"Барселона" Леверкузеннинг "Байер" клуби ўнг қанот ҳимоячиси Жереми Фримпонгнинг трансферини амалга ошира олмади.

Аниқ маълумотларга кўра, нидерландиялик футболчи "Ливерпуль" сафини тўлдиради - "қизиллар" битимнинг барча шартларини келишиб олган. Ушбу трансфер инглиз грандига 35 млн еврога тушади. Diario Sport хабарига кўра, "Барселона" ҳам Фримпонгни яқинлашиб келаётган трансферлар даврида ўз сафига қўшиб олмоқчи эди, аммо "Ливерпуль" чаққонроқ бўлиб чиқди.

24 ёшли футболчи Арне Слот жамоасида Мадриднинг "Реал" клубига эркин агент сифатида кетаётган юлдуз Трент Александр-Арнольднинг ўрнини эгаллайди.