17 ёшли вингер Ламин Ямал "Барселона" билан янги меҳнат шартномасини имзолашга яқин турибди. Бу ҳақда “кўк-анорранглилар” президенти Жоан Лапорта маълум қилди.
"Ямалда ақл бовар қилмайдиган футбол иқтидори бор, у "Барселона"да ўзини ажойиб ҳис қилмоқда. У билан янги шартнома имзолаш деярли келишиб олинди, бу расман тасдиқланиши керак. Клубимиз футболчиларга қўшган ҳиссаси учун яхши маош тўлайди", - дейди клуб раҳбари.
Жорий мавсумда Ламин "кўк-анорранглилар"нинг 53та ўйинида иштирок этиб, 17та гол урди ва 25та голга ассистентлик қилди. Футболчининг "Барселона" билан амалдаги шартномаси 2026 йилнинг ёзида якунига етади.
