"Арсенал" ҳимоячиси Бен Уайт Англия терма жамоасига қайтишга тайёрлигини айтди. Футболчи аллақачон Англия терма жамоаси бош мураббийи Томас Тухель билан суҳбатлашган.
"Мен, албатта, тайёрман. Биз бир неча бор гаплашдик, у жуда яхши инсон, жуда ҳалол. Мен жуда узоқ вақтдан бери жамоадан узоқдаман.
Энди мен фақат ўйнашим керак ва умид қиламанки, терма жамоага қайтишим керак", - деди Уайт The Sun билан суҳбатда.
Эслатиб ўтамиз, ЖЧ-2022 вақтида Бен Уайт мураббий Гарет Саутгейтнинг ёрдамчиси Стив Холланд билан можаро туфайли терма жамоани тарк этганди. Англия терма жамоасининг расмий баёнотида футболчининг кетиши шахсий сабаблар билан изоҳланган.
