"Барселона" ярим ҳимоячиси Марк Касадо "Вильярреал"га (2:3) қарши ўйиндан кейин интервью берди.
"Кўк-анорранглилар" 37-тур ўйинига муддатидан аввал чемпион сифатида етиб келишди. Финал ҳуштагидан сўнг, Каталония гранди мағлубиятга қарамай, байрам қилди. Жамоага Ла Лига кубоги топширилди.
"Мавсумнинг биринчи ярми мен учун ажойиб ўтди, кейин эса жароҳат барчасини барбод қилди, лекин энг муҳими - жамоанинг муваффақиятлари, шунингдек, ўйинимиз мухлисларга берадиган қувонч," - деди 21 ёшли футболчи журналистлар билан суҳбатда.
Марк Касадо март ойининг ўрталаридан бери майдонга тушмаяпти. У "Атлетико" билан ўйинда жароҳат олганди.
