Мадриднинг "Атлетико" клубининг аргентиналик ҳужумчиси Анхель Корреа 2024/25 йилги мавсум якунида жамоани тарк этишини расман эълон қилди.
"Ванда Метрополитано"даги сўнггиси бўлган "Бетис"га (4:1) қарши ўйиндан сўнг, 30 ёшли футболчи мухлисларга таъсирли хабар билан мурожаат қилди.
"Бугун мен ўзим севган клуб либосида сўнгги уй учрашувимни ўтказдим. Бу шунчаки бир кун эмас, балки доимий ҳис-туйғулар ва миннатдорчилик оқими эди. Клубга, жамоадошларимга ва ақл бовар қилмайдиган мухлисларга раҳмат. Мен ҳар бир олқишни абадий эслайман" - деб ёзди Корреа.
Корреа "Атлетико" таркибида ўн йилдан кўпроқ вақт ўтказиб, 465 та ўйин ўтказди ва 88 та гол урди, шунингдек, 65 та голли узатмани амалга оширган. ОАВ хабарларига кўра, аргентиналикнинг кейинги клуби Мексика "Тигрес" жамоаси бўлади. Унинг "Атлетико" билан шартномаси 2026 йилнинг ёзига қадар тузилган бўлса-да, томонлар ўзаро келишувга эришган кўринади.
