"Ювентус" бош мураббийи Игор Тудор "Удинезе"га (2:0) қарши ўйиндан кейин ҳужумчи Душан Влаховичнинг ўйинига баҳо берди.
Сербиялик футболчи А Серия 37-турининг 73-дақиқасида захирадан майдонга тушди ва 88-дақиқада рақиб дарвозасини ишғол қилиб, якуний натижани қайд этди.
"Душан - кучли футболчи. Ҳужумчига шубҳа пайдо бўлиши учун кетма-кет икки ўйинда гол ура олмаслик кифоя. Бугун Влахович ажойиб тарзда захирадан майдонга тушди, бор кучи билан ҳаракат қилди ва қандай даражада эканлигини кўрсатди. Агар қолсам, унинг фаолиятини "Ювентус"да қайта бошлай оламанми? Бу саволга жавоб бермасликни афзал кўраман. Биз бор эътиборимизни кейинги ўйинга қаратганмиз," - деди Тудор DAZN'га берган интервьюсида.
