"Интер Майами" жамоаси хўжайинларидан бири Дэвид Бекхэмнинг фикрича, "Манчестер Юнайтед" раҳбарияти жамоа бош мураббийи Рубен Аморимни қўллаб-қувватлаши керак.
"Менимча, клуб Рубенга ўзи истаган футболчиларни қўлга киритишда ёрдам бериши аниқ. Аммо аслида бу қанчалик мумкинлигини билмайман. Мен Жим (Рэтклифф) билан тез-тез мулоқот қилмайман, фақат вақти-вақти билан. Рубенни мураббий сифатида қўллаб-қувватлаш керак, токи у жамоасини йиғиб, ўз фалсафасини олиб келсин. У аллақачон буни амалга оширишга ҳаракат қилмоқда, аммо ўйлайманки, унинг ўз жамоаси, ўз ўйинчилари бўлса, ўзгаришларни кўрасиз," - дея Бекхэмнинг сўзларини келтиради The Athletic.
