"Inter Mayami" jamoasi xo‘jayinlaridan biri Devid Bekxemning fikricha, "Manchester Yunayted" rahbariyati jamoa bosh murabbiyi Ruben Amorimni qo‘llab-quvvatlashi kerak.
"Menimcha, klub Rubenga o‘zi istagan futbolchilarni qo‘lga kiritishda yordam berishi aniq. Ammo aslida bu qanchalik mumkinligini bilmayman. Men Jim (Retkliff) bilan tez-tez muloqot qilmayman, faqat vaqti-vaqti bilan. Rubenni murabbiy sifatida qo‘llab-quvvatlash kerak, toki u jamoasini yig‘ib, o‘z falsafasini olib kelsin. U allaqachon buni amalga oshirishga harakat qilmoqda, ammo o‘ylaymanki, uning o‘z jamoasi, o‘z o‘yinchilari bo‘lsa, o‘zgarishlarni ko‘rasiz," - deya Bekxemning so‘zlarini keltiradi The Athletic.
