Ноа Лангга таҳдид қилган шахс қўлга олинди.

Rijndmond'нинг маълум қилишича, Роттердам полициясининг футбол билан боғлиқ жиноятларга ихтисослашган детективлари ПСВ футболчиси ва унинг оиласига нисбатан жиддий қотиллик таҳдидлари бўйича тергов бошлаган.

Ҳуқуқ-тартибот идоралари Лангга 2023 йилдан бери ижтимоий тармоқларда ёзган 18 ёшли Дордрехт фуқаросини топишга муваффақ бўлди. Йигит ўз уйида ушланиб, сўроқдан сўнг қўйиб юборилган.

Иш прокуратурага оширилади. Гумонланувчининг Ланг мунтазам бўладиган жойларга бориши тақиқланган.

25 ёшли футболчи жорий мавсумда Нидерландия чемпионатида 29 та ўйинда 11 та гол ва 10 та голли узатмага муаллифлик қилди.