"Комо" ярим ҳимоячиси Николас Пас яқин ҳафталар ичида Мадриднинг "Реал" клубига қайтиши мумкин.
Ўтган ёзда "қаймоқранглилар" истиқболли аргентиналикни А Серияга сотиб юборган ва унга биринчи навбатда қайта сотиб олиш ҳуқуқини қўшиб берганди. Журналист Мигель Анхель Диаснинг янгиланган маълумотларига кўра, шу ҳафтадаёқ "Реал" вакиллари ва Паснинг агенти ўртасида учрашув бўлиб ўтади - томонлар футболчининг қайтиши масаласини муҳокама қилади. Агар келишувга эришилса, 20 ёшли ҳужумкор ярим ҳимоячи мадридликлар сафида июнь ойида бўлиб ўтадиган клублар ўртасидаги жаҳон чемпионатида иштирок этиши мумкин.
Николас Пас Италия чемпионатининг жорий мавсумида 34 та ўйинда майдонга тушиб, 6 та гол урди ва 9 та голли узатмани амалга оширди.
