"Манчестер Сити" ярим ҳимоячиси Кевин де Брюйне тез орада "Этиҳад" мухлислари билан хайрлашади.

Сешанба куни "шаҳарликлар" ўз уйида "Борнмут"ни қабул қилади - бу жамоанинг жорий мавсумдаги сўнгги уй учрашуви, шунингдек, де Брюйненинг кетиш олдидан "Этиҳад"даги сўнггиси бўлади.

"Ўзимни қандай ҳис қилишимни билмайман. Ўйиндан олдин ва кейин нималарни ҳис қилишимни билмайман. Барчасини борича қабул қиламиз. Бу ҳиссиётга тўла, лекин, менимча, бунинг ажабланарли жойи йўқ, чунки мен бу ерда кўп йиллар ўтказдим. Ўйин бошланса, ҳаммаси яхши бўлади. Мен шунчаки ютмоқчиман. Кўриниб турибдики, менинг шахсий ҳолатим жиддий аҳамиятга эга, аммо мен ўйинларда ғалаба қозониш учун футбол ўйнайман. Ўйиндан кейин ҳаммасини ўйлаб кўраман ва нима бўлишини кўраман," - дея де Брюйненинг сўзларини келтиради City Report.