"Manchester Siti" yarim himoyachisi Kevin de Bryuyne tez orada "Etihad" muxlislari bilan xayrlashadi.
Seshanba kuni "shaharliklar" o‘z uyida "Bornmut"ni qabul qiladi - bu jamoaning joriy mavsumdagi so‘nggi uy uchrashuvi, shuningdek, de Bryuynening ketish oldidan "Etihad"dagi so‘nggisi bo‘ladi.
"O‘zimni qanday his qilishimni bilmayman. O‘yindan oldin va keyin nimalarni his qilishimni bilmayman. Barchasini boricha qabul qilamiz. Bu hissiyotga to‘la, lekin, menimcha, buning ajablanarli joyi yo‘q, chunki men bu yerda ko‘p yillar o‘tkazdim. O‘yin boshlansa, hammasi yaxshi bo‘ladi. Men shunchaki yutmoqchiman. Ko‘rinib turibdiki, mening shaxsiy holatim jiddiy ahamiyatga ega, ammo men o‘yinlarda g‘alaba qozonish uchun futbol o‘ynayman. O‘yindan keyin hammasini o‘ylab ko‘raman va nima bo‘lishini ko‘raman," - deya de Bryuynening so‘zlarini keltiradi City Report.
