1992 йилнинг 20 май санаси Каталониянинг "Барселона" клуби тарихига олтин рақамлар билан абадий ёзилди - шу куни Йохан Кройфф жамоаси ўз тарихида илк бор Чемпионлар лигасида ғолиб чиқди.
Бу Лондонда 6 йил олдин содир бўлиши мумкин эди, аммо ўша пайтда, 1986 йилда "Барса" Руминиянинг "Стяуа" жамоасига финалда ютқазди. 1992 йилда унга ўша пайтда Италия чемпиони бўлган "Сампдория" рақиблик қилган.
Учрашувнинг дастлабки 90 дақиқаси нурсиз дуранг билан якунланган бўлса, қўшимча бўлимларда Рональд Куман жарима зарбасидан тўпни дарвозага йўллади.
"Барселона" ўз тарихида биринчи марта Чемпионлар кубогини қўлга киритди ва бир неча ойдан сўнг турнир ўз номини Чемпионлар лигасига ўзгартирди.
