"Милан"нинг машҳур собиқ дарвозабони Дида "ПСЖ" дарвозабони Жанлуиджи Доннаруммани "Олтин тўп"га даъвогарлардан бири деб ҳисоблайди.
Италияликларнинг Чемпионлар лигаси плей-офф ўйинларидаги ишончли ўйини парижликларнинг финалга чиқишига ёрдам берди. 31 май куни Луис Энрике шогирдлари ҳал қилувчи ўйинда Миланнинг “Интер” клубига қарши майдонга тушади.
"Доннарумма жуда зўр. У "Олтин тўп" учун кураша оладими? Агар у яна финалда кўп сейвларни амалга оширса, нега шундай бўлмасин? Бизни қизиқарли ўйин кутиб турибди", - дея Дида сўзларини келтиради журналист Альфредо Педулла.
Жанлуижи Доннарумма жорий мавсумда "ПСЖ" сафида барча турнирлар доирасида 39 та ўйин ўтказиб, 39 та гол ўтказиб юборган.
