"Реал Мадрид" ҳужумчиси Килиан Мбаппе нуфузли индивидуал мукофотга бир қадам қолди. Франциялик футболчи соврин учун Лиссабоннинг “Спортинг” клубидан Виктор Дьёкереш ва “Ливерпул”дан Муҳаммад Салоҳ билан кураш олиб боряпти.
Душанба куни мисрлик футболчи АПЛнинг сўнгги турида "Брайтон"га қарши ўйинда гол ура олмади. Шу тариқа, Мбаппе Ла Лиганинг сўнгги турида бир гол урса, Салоҳ эса Премьер-лиганинг сўнгги ўйинида камида иккита гол урмаса, “Олтин бутса”нинг ягона эгасига айланади.
Айни дамда Виктор Дьёкереш 58,5 очко билан рейтингда пешқадамлик қилмоқда, бироқ у барча ўйинларини ўтказган. Килиан Мбаппе 0,5 очко, Муҳаммад Салоҳ 2,5 очко ортда қолмоқда.
Премьер-лига ва Ла Лигада битта гол икки очкога тенг. Сўнгги турда “Лос Бланкос” “Реал Сосьедад”, “Ливерпуль” эса “Кристал Пэлас” билан ўйнайди.













