"Барселона" ярим ҳимоячиси Френки де Йонг якунланаётган мавсум ҳақидаги фикрлари билан ўртоқлашди. Жароҳат туфайли нидерландиялик октябргача майдонга тушмади.
"Жиддий жароҳат туфайли жуда қийин бошланган мавсумни шу тарзда якунлаш ёқимли. Жамоа билан учта соврин ютиб, севимли ўйинимдан завқ олдим.
Жисмоний ва маънавий жиҳатдан оғир йўл ортда қолди, лекин бахтимга, мавсум давомида қийин дамларда мени қўллаб-қувватлаган ва ишонган оилам ва дўстларим доимо ёнимда бўлди. Мен сизсиз бунга эриша олмасдим," - деб ёзди де Йонг ижтимоий тармоқда.
