Каталониянинг "Барселона" клуби ҳимоячиси Эрик Гарсия ёзги трансферлар вақтида клубини ўзгартириши мумкин. Бу ҳақда Todofichajes портали журналистлари хабар бермоқда.
Манбага кўра, футболчида фаолиятини давом эттириш учун бир неча вариант бор. Гарсияга Леверкузеннинг "Байер", Италиянинг "Комо" ҳамда Испаниянинг икки клуби - "Реал Сосьедад" ва "Жирона" қизиқиш билдирмоқда.
"Барселона" ҳимоячи учун тахминан 20 миллион евро тўлашса, у билан хайрлашишга тайёр.
Испания чемпионатининг жорий мавсумида Гарсия "кўк-анорранглилар" сафида 28 та ўйин ўтказди. Эрик иккита гол урди, учта голли узатмани амалга оширди ва тўртта сариқ карточка олди.
