Мадриднинг "Реал" клубига тегишли бўлган марказий ярим ҳимоячи Дани Себальос Испания чемпионатининг бошқа клубига ўтиши мумкин. Бу ҳақда Todofichajes портали саҳифаларида маълум қилинди.
Манбага кўра, 28 ёшли хавбек хизматига Севильянинг "Бетис" клуби қизиқиш билдирмоқда. Клуб келаси мавсум старти олдидан Себальос билан кучайишни истамоқда. Асосий тўсиқ - футболчининг нархи. "Қироллик клуби" ярим ҳимоячини сотишдан 20 миллион евро ишлаб олмоқчи.
Данининг "Реал" билан шартномаси 2027 йилнинг июнь ойи охиригача мўлжалланган. Ла Лиганинг жорий мавсумида хавбек 22 та учрашувда майдонга тушиб, 4 та сариқ карточка олди.
