Madridning "Real" klubiga tegishli bo‘lgan markaziy yarim himoyachi Dani Sebalyos Ispaniya chempionatining boshqa klubiga o‘tishi mumkin. Bu haqda Todofichajes portali sahifalarida ma’lum qilindi.

Manbaga ko‘ra, 28 yoshli xavbek xizmatiga Sevilyaning "Betis" klubi qiziqish bildirmoqda. Klub kelasi mavsum starti oldidan Sebalyos bilan kuchayishni istamoqda. Asosiy to‘siq - futbolchining narxi. "Qirollik klubi" yarim himoyachini sotishdan 20 million yevro ishlab olmoqchi.

Danining "Real" bilan shartnomasi 2027 yilning iyun oyi oxirigacha mo‘ljallangan. La Liganing joriy mavsumida xavbek 22 ta uchrashuvda maydonga tushib, 4 ta sariq kartochka oldi.