"Эвертон" ярим ҳимоячи Абдулайе Дукуре 2024/25 йилги мавсум охирида жамоани тарк этишини эълон қилди.
32 ёшли малилик футболчининг "ирисчилар" билан шартномаси 2025 йилнинг 30 июнида ўз ниҳоясига етади. Томонлар келишувни узайтирмайди.
Дукуре "Эвертон" сафида 2020 йилдан буён тўп тепиб келмоқда. У клуб сафида 165 та ўйинда майдонга тушиб, 21 та гол урган ва 14 та голли узатмани амалга оширган.













