"Манчестер Сити" мавсум якунига бир тур қолганида АПЛда учинчи ўринга чиқиб олди.

Пеп Гвардиола мураббийлигидаги жамоа 37-турда ўз майдонида "Борнмут"ни мағлуб этди (3:1).

Муддатидан аввал чемпион бўлган "Ливерпуль" (83 очко) ва 2-ўриндаги "Арсенал" (71) Чемпионлар Лигаси 2025/26 умумий босқичида иштирок этиш ҳуқуқини қўлга киритганди.

ЕЧЛга 38-тур якунларига кўра кучли бешликка кирадиган яна учта жамоа йўл олади. "Ман Сити" 68 очко билан 3-ўринда бормоқда (тўплар нисбати "+27").

Кейинги ўринларни "Ньюкасл," "Челси" ва "Астон Вилла" эгаллади. Учта жамоа 37 ўйиндан сўнг 66 очко тўплаган, очколар тенг бўлса, биринчи кўрсаткич - голлар фарқи. "Қарғалар"да у яхшироқ - "+22," лондонликларда - "+20," бирмингемликларда - "+9." 7-ўринда "Ноттингем Форест" (65 очко, тўплар нисбати "+13) бормоқда.