“Ал-Араби” ярим ҳимоячиси Марко Верратти “Пескара” акциядорига айланади, деб хабар беради TUTTOmercatoWEB.
Манбага кўра, 32 ёшли италиялик яқин кунларда клубнинг 44 фоиз акцияларини сотиб олишни якунлаб, келишувга 1,5 миллиондан 1,7 миллион еврогача сармоя киритади.
Марко "Пескара"нинг ёшлар академияси битирувчиси ҳисобланади. 2011/12 йилги мавсумда жамоа Верратти билан биргаликда А Серияга чиқди. Кейинги ёзда унинг "ПСЖ"га сотилиши Италия клубига 12 миллион евро келтирди.
"Пескара" Италия C сериясида ўйнайди. Жорий мавсумда жамоа тўртинчи ўринни эгаллади. Клуб айни дамда плей-офф босқичига чиқиш учун кураш олиб бормоқда.













