Мадриднинг "Реал" клуби "Комо" шарафини ҳимоя қилаётган ўз тарбияланувчиси Николас Пасни ортга қайтаришни режалаштирмоқда.
"Қаймоқранглилар" 20 ёшли футболчини ўтган йилги сотувда белгиланган имтиёзли қайта сотиб олиш ҳуқуқи туфайли сезиларли даражада арзонлаштирилган нархда қўлга киритиши мумкин. Инсайдер Жанлука ди Марционинг маълумотига кўра, "Реал" ва "Комо" аллақачон Пас бўйича музокаралар олиб бормоқда. Италия клуби аргентиналик футболчини яна камида бир йилга олиб қолмоқчи.
Николас Пас жорий мавсум А Серияда 36 та ўйинда 6 та гол ва 9 та голли узатмага муаллифлик қилди. Transfermarkt порталида футболчининг тахминий нархи - 35 млн евро.
