Франциянинг "Лион" клуби сафида тўп тепаётган бельгиялик 20 ёшли ҳужумчи Малик Фофана Англия Премьер-лигасининг топ-клубига ўтиши мумкин. Бу ҳақда Mundo Deportivo журналистлари хабар бермоқда.
Манбага кўра, истиқболли футболчини "Ливерпуль" ўз сафига қўшиб олмоқчи. Мерсисайдликлар ёзги трансферлар ойнасида жамоани тарк этадиган колумбиялик Луис Диасга муқобил сифатида Малик номзодини кўриб чиқмоқда. Унга Каталониянинг "Барселона" клуби қизиқиш билдирмоқда.
2024/2025 йилги мавсумда Фофана 41 та учрашувда майдонга тушиб, 11 та гол урди ва олтита голли узатмани амалга оширди. Унинг бозор қиймати 25 миллион еврога баҳоланмоқда.
