"Галатасарой"га ижарага берилган "Наполи" ҳужумчиси Виктор Осимхен янги мавсумда қаерда ўйнашини ҳали билмаяпти.
Нигериялик футболчининг ижараси жорий мавсум охиригача мўлжалланган, аммо у "Наполи"да бошқа ўйнаши даргумон - катта эҳтимол билан ёзда клуб футболчини сотади. Журналист Санти Ауна берган маълумотга кўра, айни дамда Осимхен учун курашда "Ал-Ҳилол" етакчилик қилмоқда. Саудия гранди барча даъвогарлар орасида энг аниқ қизиқиш билдирмоқда ва форвард трансферга мойиллик билдирмоқда. Музокаралар давом этмоқда.
Transfermarkt портали 70 млн еврога баҳолаган Виктор Осимхен ҳисобида "Галатасарой" сафида 40 та ўйинда 36 та гол бор.
