"Ливерпуль" ярим ҳимоячиси Ҳарви Эллиоттнинг келажаги мавҳумлигича қолмоқда.
22 ёшли футболчи Арне Слот жамоасининг асосий таркибида камдан-кам майдонга тушади, шунинг учун у муҳитни ўзгартириш ҳақида ўйламоқда. Sky Sport хабарига кўра, Эллиотнинг яқин трансферлар даврида кетиши эҳтимоли юқори. Футболчи аллақачон бошқа клублар билан музокаралар олиб бормоқда. "Ливерпуль" мақбул таклиф тушса, сотувни маъқуллайди.
Харви Эллиотт жорий мавсум "қизиллар" сафида 27 та ўйинда 5 та гол урди ва 3 та голли узатмани амалга оширди. Англиялик ҳужумкор ярим ҳимоячининг Transfermarkt порталидаги баҳоланган нархи 35 млн еврони ташкил этади.
