“CAFA U-17 Championship-2025” турнири олдидан жамоалар бош мураббийлари иштирокида матбуот анжумани ўтказилди. Унда Ўзбекистон U-16 терма жамоаси бош мураббийи Сергей Чигодаев ҳам иштирок этди.
— Турнир ҳақида
— Барчани Тошкентда кўриб турганимдан хурсандман. CAFA мусобақаси Осиё кубогига тайёргарлик кўриш учун жуда муҳим ҳисобланади. Бу барча жамоаларга фойдали. Бизни олдинда қизиқарли ва ажойиб ўйинлар кутиб турибди. Ҳамма жамоаларга омад тилайман.
— Тайёргарлик ҳақида
— Режа бўйича тайёргарлик кўряпмиз. Жисмоний, тактик ва психологик йўналишда иш олиб бордик. Болаларда бу ёшда психология жуда ҳам муҳим, буни албатта инобатга олдик. Бизда тайёргарлик учун кўпроқ вақт бўлди. Футболчилар билан ҳаммаси жойида. Биз мусобақага тайёрмиз.
— Тақвим ҳақида
— Бу борада муаммо йўқ. Тикланиш учун етарли вақтимиз бўлади.
— Ротация имкониятлари
— Мусобақа учун 20 та ўйинчи рўйхатдан ўтказилди. Биз барча футболчиларга имконият беришга ҳаракат қиламиз. Мусобақа орқали улар халқаро ўйинларда иштирок этиш тажрибасига эга бўлишади.
