“CAFA U-17 Championship-2025” turniri oldidan jamoalar bosh murabbiylari ishtirokida matbuot anjumani o‘tkazildi. Unda O‘zbekiston U-16 terma jamoasi bosh murabbiyi Sergey Chigodayev ham ishtirok etdi.

— Turnir haqida

— Barchani Toshkentda ko‘rib turganimdan xursandman. CAFA musobaqasi Osiyo kubogiga tayyorgarlik ko‘rish uchun juda muhim hisoblanadi. Bu barcha jamoalarga foydali. Bizni oldinda qiziqarli va ajoyib o‘yinlar kutib turibdi. Hamma jamoalarga omad tilayman.

— Tayyorgarlik haqida

— Reja bo‘yicha tayyorgarlik ko‘ryapmiz. Jismoniy, taktik va psixologik yo‘nalishda ish olib bordik. Bolalarda bu yoshda psixologiya juda ham muhim, buni albatta inobatga oldik. Bizda tayyorgarlik uchun ko‘proq vaqt bo‘ldi. Futbolchilar bilan hammasi joyida. Biz musobaqaga tayyormiz.

— Taqvim haqida

— Bu borada muammo yo‘q. Tiklanish uchun yetarli vaqtimiz bo‘ladi.

— Rotasiya imkoniyatlari

— Musobaqa uchun 20 ta o‘yinchi ro‘yxatdan o‘tkazildi. Biz barcha futbolchilarga imkoniyat berishga harakat qilamiz. Musobaqa orqali ular xalqaro o‘yinlarda ishtirok etish tajribasiga ega bo‘lishadi.