МЛС клуби "Интер Майами" бош мураббийи Хавьер Маскерано Лионель Месси билан шартномани узайтириш борасида фикр билдирди.
Бир ой олдин аргентиналик юлдуз ҳужумчи 2026 йил охиригача жамоада қолиши мумкинлиги маълум бўлганди, бироқ музокаралар ҳали якунига етмаган.
"Ўз-ўзидан равшанки, мен мураббий сифатида Месси иложи борича тезроқ шартномасини узайтиришини ва бу хабар ҳаммага тезроқ етиб боришини истайман. Мухлислар ва клуб атрофидагиларнинг хотиржамлиги учун. Аммо мен бунга изоҳ бермаслигим ва бу ҳақда гапирмаслигим керак," - дея Маскеранонинг сўзларини келтиради ESPN.
Мессининг амалдаги шартномаси шу йилнинг декабрь ойида ўз ниҳоясига етади.













