MLS klubi "Inter Mayami" bosh murabbiyi Xavyer Maskerano Lionel Messi bilan shartnomani uzaytirish borasida fikr bildirdi.
Bir oy oldin argentinalik yulduz hujumchi 2026 yil oxirigacha jamoada qolishi mumkinligi ma’lum bo‘lgandi, biroq muzokaralar hali yakuniga yetmagan.
"O‘z-o‘zidan ravshanki, men murabbiy sifatida Messi iloji boricha tezroq shartnomasini uzaytirishini va bu xabar hammaga tezroq yetib borishini istayman. Muxlislar va klub atrofidagilarning xotirjamligi uchun. Ammo men bunga izoh bermasligim va bu haqda gapirmasligim kerak," - deya Maskeranoning so‘zlarini keltiradi ESPN.
Messining amaldagi shartnomasi shu yilning dekabr oyida o‘z nihoyasiga yetadi.













