"Манчестер Юнайтед" ҳужумкор ярим ҳимоячиси Бруну Фернандешга "Бавария" қизиқиш билдирмоқда. Бу ҳақда TEAMtalk хабар бермоқда.
Манбага кўра, "Бавария" Фернандешнинг ўйинига қойил қолмоқда ва Флориан Вирцнинг муваффақиятсиз трансферидан кейин уни сотиб олишга тайёр. Таъкидланишича, "Манчестер Юнайтед" бош мураббийи Рубен Аморим португалиялик футболчини сақлаб қолишни истамоқда, аммо "қизил иблислар" раҳбарияти Чемпионлар лигасига чиқа олмаганидан кейин қайта қуриш ишларини бошлаб юбориши ва бир нечта футболчилардан қутулиши мумкин.
Шу билан бирга, таъкидланишича, "Манчестер Юнайтед"нинг юқори молиявий талаблари "Бавария"ни чўчитиб юбориши мумкин.
Фернандеш бу мавсумда барча мусобақаларда 56 та ўйинда майдонга тушиб, 19 та гол урди ва 19 та голга ҳаммуаллифлик қилди.
