"Барселона" спорт директори Деку бир неча ҳафта олдин жамоа Ламин Ямал ва Рафиньяга жуда боғланиб қолгани, каталонияликлар ёзда ҳужум чизиғига янги футболчиларни жалб қилиши мумкинлиги ҳақида гапирганди. Шанба кунги матбуот анжуманида "кўк-анорранглилар" бош мураббийи Ханс-Дитер Флик янги вингер сотиб олиш клубнинг ёзги бозордаги устувор вазифаси ҳисобланадими, деган саволга жавоб берди.
"Сўнгги ўйинларда бизда бу позицияларда катта танлов бўлмаган бўлиши мумкин. Бу Декунинг иши, лекин мен унга ёрдам бераман," - деди Флик журналистларга.
"Барселона" Ханс-Дитер Флик қўл остидаги биринчи мавсумида Испания чемпионати, Испания кубоги ва Испания Суперкубогида ғолиб чиқди.
