"Манчестер Юнайтед" ҳужумкор ярим ҳимоячиси Алехандро Гарначо фаолиятини "Челси"да давом эттириши мумкин.
Topskills Sports UK нашрининг таъкидлашича, "Челси" аллақачон "қизил иблислар" билан 20 ёшли аргентиналикнинг эҳтимолий трансфери бўйича музокаралар олиб борган. Миш-мишларга ишонадиган бўлсак, Гарначо "Челси" бош мураббийи Энцо Марескининг устувор мақсади. Таъкидланишича, хавбек еврокубокларда ўйнашни истаётгани учун шахсий шартнома шартлари муаммо туғдирмайди.
Жорий мавсумда Гарначо барча мусобақаларда 58 та ўйинда майдонга тушиб, 11 та гол урди ва 10 та голли узатмага муаллифлик қилди. Transferмаркт мутахассислари футболчининг нархини 45 млн еврога баҳоламоқда.
