"Манчестер Юнайтед" бош мураббийи Рубен Аморим чап қанот ҳимоячиси Люк Шоунинг кетишига тўсқинлик қилмайди.
Жорий мавсумда англиялик футболчи ўйиндан кўра кўпроқ жароҳатларини даволаган, шу боис унинг клубдаги келажаги жиддий сўроқ остида қолмоқда. Журналист Николо Скиранинг маълумотларига кўра, Шоу Аморимнинг режаларига мос келмайди. Латералнинг ўзи ҳам яқин трансферлар ойнасида кетишга тайёр.
Люк Шоунинг "қизил иблислар" билан амалдаги шартномаси 2027 йилнинг ярмигача мўлжалланган. Transfermarkt портали маълумотларига кўра, 29 ёшли футболчининг нархи 16 млн еврони ташкил этади.
Жорий мавсумда Шоу "Юнайтед"нинг барча мусобақалардаги 12 та ўйинида иштирок этди.
