"Манчестер Сити" "Милан" ярим ҳимоячиси Тиджани Рейндерсни ўз сафига қўшиб олиш борасида фаол иш олиб бормоқда.
Маълумотларга қараганда, "шаҳарликлар" нидерландиялик футболчининг ўзини ҳам кўндириб бўлишган - "россонерилар" билан трансфер шартларини келишиб олиш қолган, холос. Tuttomercatoweb нашрининг маълум қилишича, "Манчестер Сити" клуби 26 ёшли футболчи билан шартномани клублар ўртасидаги жаҳон чемпионати стартига қадар якунламоқчи. Турнир июнь ойининг ўрталарида бошланади.
Transfermarkt портали Тижани Рейндерснинг нархини 50 млн еврога баҳоламоқда, аммо "Милан" ўз юлдузи учун янада каттароқ сумма сўрамоқда. Хавбекнинг ҳисобида 2024/25 йилги мавсумда 54 та ўйинда 15 та гол ва бешта ассист бор.
