"Тоттенхэм" бош мураббийи Анге Постекоглу жамоаси "Манчестер Юнайтед"ни мағлуб этган (1:0) Европа Лигаси финалини қайта кўриб чиқмоқчи эмаслигини айтди.
"Шпорлар" сўнгги 17 йилдаги илк совринини қўлга киритди. Сўнгги учрашув чоршанба куни бўлиб ўтди.
"Мен ҳеч қачон Бильбаодаги финални қайта кўрмайман. Фаолиятим давомида ҳеч қачон муҳим ғалабали ўйинларни қайта томоша қилмаганман. Агар шундай қилсам, ўйиндаги камчиликларни излай бошлайман, мен эса буни истамайман," - дея Постекоглунинг сўзларини келтиради инглиз ОАВ.
