Ла Лиганинг 38-турида "Атлетико" сафарда "Жирона" устидан йирик ҳисобда ғалаба қозонди - 4:0.
Мадридликлар сафида Александр Сёрлот хет-трик қайд этди. Яна бир тўп Клеман Лангле ҳисобига ёзилди.
"Атлетико" 76 очко билан Испания чемпионати турнир жадвалида учинчи ўринни эгаллади ва кейинги мавсумда Чемпионлар лигаси умумий босқичида иштирок этиш ҳуқуқини қўлга киритди.
"Жирона" 41 очко билан қўшимча кўрсаткичлар бўйича "Севилья"ни (41) ортда қолдирган ҳолда Ла Лигада 16-ўринда бормоқда, аммо қизил-оқлар захирасида яна бир ўйин бор.













