Отаси ортидан Давиде Анчелотти ҳам "Реал Мадрид"ни тарк этади. Миш-мишларга кўра, у отасига Бразилия терма жамоасида ёрдам беради.
Бир кун аввал Давиде "Реал" билан хайрлашди. Бунинг учун у ижтимоий тармоқлардан бирини танлади ва унда қуйидагиларни ёзди.
"Тўрт йилдан сўнг хайрлашиш вақти келди. "Реал Мадрид" билан хайрлашиш нимани англатишини тушунтириш қийин. Бу шунчаки тарих эмас - бу футболнинг буюклиги, бу оила. Мен бу клубда ишлаш шарафига эга бўлганимдан фахрланаман. Тез орада яна кўришгунча", - деб ёзди кичик Анчелотти.
Эслатиб ўтамиз, "Реал Мадрид" Испания чемпионатини иккинчи ўринда якунлади.
