Otasi ortidan Davide Anchelotti ham "Real Madrid"ni tark etadi. Mish-mishlarga ko‘ra, u otasiga Braziliya terma jamoasida yordam beradi.

Bir kun avval Davide "Real" bilan xayrlashdi. Buning uchun u ijtimoiy tarmoqlardan birini tanladi va unda quyidagilarni yozdi.

"To‘rt yildan so‘ng xayrlashish vaqti keldi. "Real Madrid" bilan xayrlashish nimani anglatishini tushuntirish qiyin. Bu shunchaki tarix emas - bu futbolning buyukligi, bu oila. Men bu klubda ishlash sharafiga ega bo‘lganimdan faxrlanaman. Tez orada yana ko‘rishguncha", - deb yozdi kichik Anchelotti.

Eslatib o‘tamiz, "Real Madrid" Ispaniya chempionatini ikkinchi o‘rinda yakunladi.