"Ювентус" бош мураббийи Игор Тудор жамоани Чемпионлар лигасига олиб чиқди. Энди унинг шартномаси автоматик равишда узайтирилди.
Туринликлар А Сериянинг сўнгги турида “Венеция” устидан ғалаба қозонишди (3:2) бу уларга тўртинчи ўринни эгаллаш имконини берди. Шундай қилиб, шартномани автоматик равишда узайтириш имконияти кучга кирди.
Инсайдер Фабрицио Романонинг сўзларига кўра, хорватияликнинг янги шартномаси 2026 йилнинг ёзига қадар мўлжалланган, бироқ муҳим огоҳлантириш бор: “Ювентус” ўзи зарур деб ҳисоблаган вақтда ҳамкорликни бир томонлама бекор қилиши мумкин.
Март ойида Игор Тудор ишдан бўшатилган Тиаго Мотта ўрнини эгаллади.
