Яқинда мавсум якунида клубдаги фаолиятини якунлашини эълон қилган Трент Александр-Арнольд АПЛнинг 38-туридан ўрин олган "Кристал Пэлас"га (1:1) қарши "Энфилд"даги ўйиндан кейин ўз ҳиссиётларини яширмади.
Бу ўйин унинг "қизиллар" либосидаги хайрлашув ўйини бўлди.
"Мен майдонга тушганимда, бир неча ҳафта олдин содир бўлган воқеалардан кейин нимани кутишни билмасдим. Мен учун бу клубда яна бир бор ўйнаш муҳим эди. Бу ҳақда мураббийга айтдим ва у менга танаффусда захирадан майдонга тушишимни айтди. Мухлисларнинг реакцияси мени жуда таъсирлантирди. Бу ерда ўтказган барча йилларим давомида мен ҳеч қачон бугунгидек қўллаб-қувватлаш ва меҳрни ҳис қилмаганман," - дея қанот ҳимоячиси сўзларидан иқтибос келтиради BBC.
