Саудия Арабистони ҳукумати ЖЧ-2034да спиртли ичимликлар истеъмол қилишга рухсат беради.
Аввалроқ Саудия Арабистонининг Буюк Британиядаги элчиси Холид ибн Бандар Ал Сауд турнир давомида спиртли ичимликлар бўлмаслигини маълум қилганди: "Биз кимнидир деб маданиятимизни ўзгартиришни истамаймиз. Ичкиликсиз яшай олмайсизларми?
Мамлакатда спиртли ичимликлар ичишга тақиқ 1952 йилдан бери амал қилиб келмоқда. У жаҳон чемпионати старти олдидан ечилиши айтилмоқда.
Саудия Арабистони расмийлари баъзи сайёҳлик жойларида спиртли ичимликларни истеъмол қилишга рухсат беришни режалаштирмоқда, ЖЧ-2034 давомида 600 та шундай ҳудуд бўлади. Аммо жамоат жойлари, уйлар ва дўконларда ичишга умумий тақиқ сақланиб қолади, деб ёзади India Today The Sun нашрига таяниб.
Шу билан бирга, таркибида 20 фоиздан ортиқ алкоголь бўлган ичимликлар тақиқ остида қолади, дея таъкидлайди Metro маҳаллий манбаларга таяниб.
Ушбу ечим вино, пиво ва сидрни лицензияланган жойларда, масалан, беш юлдузли меҳмонхоналарда сотиш имконини беради. Мамлакатда бу чора баъзи машҳур сайёҳлик жойларида спиртли ичимликларга рухсат берилган БАА ва Баҳрайн билан рақобатлашишга ёрдам беради, деб ишонилади.
