Марказий ҳимоячи Дин Хёйсен тез орада Мадриднинг "Реал" клуби қароргоҳига етиб келади.
Ла Лига гранди аллақачон испаниялик футболчини Англиянинг "Борнмут" клубидан сотиб олганини эълон қилди. Янги ўйинчи июнь ойида Хаби Алонсо жамоаси сафига қўшилади ва унинг дебюти клублар ўртасидаги жаҳон чемпионатида бўлиб ўтиши мумкин. Журналист Рубен Мартиннинг хабар беришича, Хейсеннинг "Реал"даги тақдимоти пайшанба куни эрталаб бўлиб ўтади. Бу энг қулай сана, чунки шанба куни футболчи Испания терма жамоаси билан машғулот ўтказади.
20 ёшли марказий ҳимоячининг "Борнмут"дан "Реал"га ўтиш нархи қарийб 60 млн еврони ташкил этди. Ўтган мавсумда футболчи "олчалар" сафида 36 та ўйинда майдонга тушиб, 3 та гол урди ва 2 та голли узатмани амалга оширди.
