Родригонинг "Реал"дан кетиши трансфер бозоридаги энг кўп муҳокама қилинаётган мавзулардан бири бўлиб қолмоқда.
24 ёшли футболчи яқин ойларда "қаймоқранглилар" сафини тарк этиши мумкин, унга Англия чемпионати вакиллари қизиқиш билдирмоқда. Журналист Хорхе Пиконга кўра, Лондоннинг "Арсенал" клуби ва АПЛнинг бошқа грандлари ҳақиқатан ҳам Родригони ўз сафига қўшиб олиш ҳақида ўйламоқда, аммо бугунги кунда футболчида ҳеч қандай таклиф йўқ. Ҳеч ким бразилиялик бўйича аниқ музокаралар олиб бормаяпти.
Родригонинг "Реал" билан шартномаси 2028 йилгача мўлжалланган бўлиб, унинг Transfermarkt талқинига кўра, қиймати 100 млн еврони ташкил этади.













