Италиянинг "Наполи" клуби президенти Аурелио де Лаурентис бельгиялик ярим ҳимоячи Кевин де Брюйненинг "Наполи"га ўтишини интиқлик билан кутмоқда. Де Лаурентиснинг сўзларига кўра, у футболчи учун уй ҳам сотиб олган.
"Мен бугун де Брюйне ва унинг бутун оиласи билан видеоалоқа орқали гаплашдим. Неаполдан унга чиройли уй олиб берганимни билади. Лекин ҳозирча расман келишиб олганимиз йўқ. Умид қиламанки, тез орада барча имзолар бўлади," - дея де Лаурентиснинг сўзларини келтиради derbyderbyderby.it.
Эслатиб ўтамиз, де Брюйне бунгача Англиянинг "Манчестер Сити" клуби шарафини ҳимоя қилиб келаётган эди. "Наполи" жорий мавсумда Италия чемпионлигини қайтариб олди.
