"Лидс"нинг чап қанот ҳимоячиси Жуниор Фирпо "Милан" радарига тушиб қолди.
"Россонерилар" яқинлашиб келаётган трансферлар даврида катта эҳтимол билан сотиладиган Тео Эрнандесга ўринбосар қидирмоқда. Football Italia хабарига кўра, "Милан"нинг қизиқишлар рўйхатида Фирпо ҳам бор, клуб бунгача ҳам унга кўз тикиб келган. "Барселона"нинг 28 ёшли собиқ футболчиси эркин агент сифатида жамоага ўта олади - унинг "товуслар" билан шартномаси июнь ойи охирида тугайди.
Жуниор Фирпо Чемпионшипнинг 32 та ўйинида тўртта гол урди ва ўнта голли узатмани амалга оширди. "Лидс" биринчи ўринни эгаллади ва Премьер-лигага қайтди.
