"Комо" ярим ҳимоячиси Николас Пас Лука Модрич ўрнига "Реал"га келиши мумкин.
Атиги бир йил олдин "қаймоқранглилар" истиқболли тарбияланувчисини Италия клубига сотиб юборганди, энди эса уни ортга қайтариш ҳақида ўйламоқда. Журналист Рубен Урия тахмин қилишича, "Реал"нинг янги мураббийи Хаби Алонсо Модрични сақлаб қолишга қарши бўлмаган, бироқ клубдагилар 39 ёшли хорватияликни қўйиб юборишга қарор қилишган ва Пасни қайтариш ҳамда унга ўзини кўрсатиш имкониятини беришган.
Николас Пас Модричдан 19 ёш кичик. А Сериянинг ортда қолган мавсумида аргентиналик футболчи Сеск Фабрегас жамоаси сафида 35 та ўйинда майдонга тушиб, 6 та гол ва 9 та голли узатмани ўз ҳисобига ёздириб қўйди.
