Криштиану Роналдунинг келажаги ҳамон муҳокама қилинмоқда. Миш-мишлар алангасига "Ан-Наср"ни тарк этишига ишора қилган 40 ёшли футболчининг ўзи мой сепди.
Журналист Хорхе Никола ўзининг YouTube'даги каналида Роналду "Ботафого"дан таклиф олгани ҳақида маълумот берди. Таклиф Жон Тексторнинг Eagle Football холдингидаги ҳамкори бўлиш имкониятини ўз ичига олади.
Никола, шунингдек, Криштиану "Ботафого" таклифига ҳали жавоб бермаганини таъкидлади.
Айтиш керакки, "Ботафого" июнь ойида клублар ўртасидаги жаҳон чемпионатида иштирок этади. Аввалроқ, Роналдунинг ушбу турнирда иштирок этиш истаги борлиги ҳақида хабарлар тарқалган эди.
