"Челси"нинг собиқ сардори Жон Терри жамоанинг истиқболлари ҳақида гапирди. "Кўклар" Премьер-лигада тўртинчи ўринни эгаллади ва Чемпионлар Лигасига йўлланмани қўлга киритди, чоршанба куни эса Конференциялар Лигаси финалида "Бетис"га қарши ўйнайди.
"Ўйлашимча, "Челси"га АПЛ чемпионлигига даъвогар бўлиш учун яна бир неча йил керак бўлади. "Манчестер Сити," "Ливерпуль"га қарайман - улар кучлироқ. "Арсенал" ҳам барқарорликка эришди.
Шунинг учун Чемпионлар Лигасига чиқиш жуда муҳим эди. Жамоага янги тажрибали ўйинчилар керак - шунда Коул Палмерга босим камроқ бўлади. Яна уч-тўртта топ-футболчи керак - ва биз кучли бўламиз," - деди Терри talksport билан суҳбатда.
