Мадриднинг "Реал" клуби ярим ҳимоя чизиғига икки футболчини трансфер қилишни режалаштирган.
"Қаймоқранглилар" ҳимояни кучайтириш масаласини ҳал қилиб бўлишган: ўнг қанотда Трент Александр-Арнольд, марказда Дин Хейсен, чап қанот ҳимоячиси Альваро Каррерас билан ҳам келишув бор. Энди клуб ўрта чизиқ билан шуғулланиш ниятида. Marca хабарига кўра, "Реал" бир вақтнинг ўзида икки хавбек - "Комо"дан 20 ёшли Николас Пас ва "Штутгарт"дан 24 ёшли Анжело Штиллерни ўз сафига қўшиб олишга қарор қилган.
Янги бош мураббий Хаби Алонсо жамоага ўйинни назорат қила оладиган янги ярим ҳимоячи кераклигини ва бу вазифани ҳал қилиш учун Штиллер муносиб номзод ҳисобланишини маълум қилди.
